«كونستيتۋتسيالىق كەڭەسكە بەرگەن وتىنىشىمە بايلانىستى قىسقا عانا جاۋاپ قايتارعىم كەلەدى. 1995 جىلدان بەرى, ياعني كونستيتۋتسيا قابىلدانعالى بەرى كونستيتۋتسيالىق كەڭەسكە 200 ءوتىنىش كەلىپ تۇسكەن. ولاردىڭ 22-ءسى - مەنىڭ پرەزيدەنتتىك وتىنىشتەرىم. بۇل - قالىپتى پروتسەسس. كونستيتۋتسيالىق كەڭەس تە سول ءۇشىن قۇرىلعان. كەڭەستەگىلەردىڭ كونستيتۋتسياداعى, زاڭدارداعى كەمشىلىكتەردى تالقىلاۋعا قۇقىعى بار. ارينە, بۇل بارلىعى ءۇشىن قىزىق... ەڭ قىزىق دەگەن سۇراقتار - سايلاۋ, ترانزيت. كونستيتۋتسيانى وقىڭىزدار, پرەزيدەنت جايلى زاڭداردى وقىڭىزدار. وندا بارلىعى ناقتى كورسەتىلگەن. مەرزىم كەلگەندە سايلاۋ وتەدى. ءيا, كونستيتۋتسيا بويىنشا پرەزيدەنتتىڭ مەرزىمىنەن بۇرىن سايلاۋ وتكىزۋگە قۇقىعى بار. بىراق بىزدە ولاي بولمايدى. تىنىشتالىپ, دۇرىس جۇمىس ىستەيىك» دەدى مەملەكەت باسشىسى ۆيدەوماتەريالدا.
ەسكە سالا كەتەيىك, بۇعان دەيىن كونستيتۋتسيالىق كەڭەستىڭ پرەزيدەنتتىڭ ءوتىنىشىن قابىلداعانى جايلى حابارلانعان بولاتىن. «قازاقستان رەسپۋبليكاسىنىڭ كونستيتۋتسيالىق كەڭەسى تۋرالى» كونستيتۋتسيالىق زاڭىنا سايكەس, اتالعان ءوتىنىشتى كونستيتۋتسيالىق كەڭەستىڭ وتىرىسىندا قاراۋ ءۇشىن قاجەتتى ماتەريالداردى دايىنداۋ جۇمىسى جۇرگىزىلۋدە.
